1Libisma e waka nanga prakseri ini den ede,
ma na MASRA abi a laste wortu.
2Ala sani di wan sma e du bun na ini en eigi ai,
ma MASRA e luku fu sanede a e du a sani.
3Te yu wani du wan sani, aksi MASRA fu yepi yu,
dan a sa go bun nanga den sani di yu wani du.
4MASRA meki ala sani gi wan spesrutu sani,
srefi den ogri-ati sma a meki gi a dei fu strafu.
5Ibri heimemre sma de leki wan groskin sani gi MASRA,
den o kisi den strafu nomonomo.
6Wan sma di e sori lobi èn di de fu fertrow e kisi pardon fu en sondu,
wan sma di e lespeki MASRA no e du ogri.
7Efu MASRA abi prisiri nanga a fasi fa yu e tyari yusrefi,
A e meki den feyanti fu yu srefi kon meki en bun nanga yu.
8A moro betre yu abi pikinso ma yu e du a wani fu Gado,
dan dati yu abi furu ma yu kisi en wan kruktu fasi.
9Libisma e prakseri san den o du,
ma na MASRA poti sortu sei a o go.
