10Wan kownu e taki nanga a makti di Gado gi en,
te a e koti krutu, a e koti en tapu wan leti fasi.
11MASRA wani taki wan wegi mus soifri,
na En poti o hebi den wegiston mus de.
12A de wan groskin sani gi wan kownu fu du ogri,
bika na soso te den e du a wani fu Gado den e tan kownu.
13Wan kownu e prisiri nanga sma di e taki sani leki fa den de,
a lobi den sma di no e lei.
14A hebi atibron fu kownu na wan boskopu taki dede kan fadon,
ma wan sma di koni e kowru a atibron.
15Wan lafu tapu a fesi fu wan kownu e gi libi,
a bunfasi fu en e tyari nyun libi
leki alen di e fadon baka a ten fu prani.
16A moro betre fu suku koni dan fu abi gowtu.
Fu abi ferstan betre moro solfru.
17Sma di e libi leki fa a fiti e kmoto na pasi gi ogri,
èn a sma di e luku fa a e tyari ensrefi e kibri en libi.
18Te heimemre kon, pori de na baka,
èn wan sma nanga bigifasi, o broko saka.
19A moro betre fu abi sakafasi èn fu libi nanga pôtisma,
dan fu prati ini a gudu fu sma nanga heimemre.
20A sa go bun nanga a sma di sabi arki,
èn a sma di poti en fertrow tapu MASRA, na wan blesi sma.
21Wan sma di e sori nanga a fasi fa e denki taki a koni,
den e kari wan sma nanga ferstan.
èn sma e arki moro esi te wan sma e taki switi.
22Koni de leki wan watrabron di e gi libi gi a sma di abi en,
ma a strafu fu don sma na den eigi donfasi.
