23Wan sma di koni e taki nanga ferstan,
èn sma e arki moro esi san a e taki.
24Switi wortu de leki wan onigodo,
den switi èn den de leki dresi gi yu skin.
25Son leisi sma e prakseri taki den e waka tapu a leti pasi,
ma a kba pisi fu a pasi dati na dede.
26Wan wrokoman abi fu wroko fu kan nyan,
bika en bere e bari.
27Wan sma di no bun fu noti e tyari soso trobi kon na fesi,
den sani di a e taki e wroko leki faya.
28Wan sma di e lei e tyari soso trobi,
èn wan sma di e takitaki sani e tyari prati mindri bun mati.
29Wan man di lobi du ogri, e kori en mati
èn a e tyari en tapu a kruktu pasi.
30Te wan sma e pingi en ai, a abi takru prakseri,
te a kwinsi en mofo tnapu, a du a ogri kba.
31Weti wiwiri de leki wan moi kroon tapu a ede fu wan sma,
a de fu feni te yu e du a wani fu Gado.
32Wan sma di abi langa pasensi
betre moro wan dyadya fetiman,
èn wan sma di sabi hori ensrefi,
betre moro wan sma di e teki wan foto abra.
33Libisma e fringi lot,
ma na MASRA e taki fa den e fadon.
