Tevredenheid is goud waard

Bijbeltekst(en)

Den srafu

1Den sma di de ini katibo leki srafu mus gi den basi ala lespeki. Dan so no wan sma o man afrontu a nen fu Gado noso den sani san wi e leri. 2Efu den basi fu den na bribisma, den no mus denki taki den no abi fu teri den leki masra fu di den na brada ini a bribi. Ma den mus du den wroko moro bun, bika den sma gi san den e wroko na bribisma di den e lobi.

Den kruktu leriman

Yu mus leri den sma den sani disi, èn yu mus sori den taki den mus gi yesi. 3Wan sma di e gi wan tra leri èn di no e agri nanga a bun boskopu san wi Masra Yesus Kristus gi wi, nanga a leri di e sori wi fa fu libi leki fa Gado wani, 4sowan sma abi bigifasi. A no sabi noti. Den sortu sma disi lobi fu hari taki èn fu meki trobi abra san wan wortu wani taki. Den sani disi e tyari dyarusu, trobi, kos'kosi, takru prakseri, 5nanga krutukrutu kon. A ferstan fu den pori èn den no sabi moro san na tru. Den e denki taki te yu e dini Gado, yu o kon gudu. 6A tru taki efu yu libi leki fa Gado wani, a e tyari bigi wini kon, solanga a de so taki san yu abi sari gi yu. 7Bika wi no tyari noti kon na grontapu èn wi no man tyari noti gwe. 8So efu wi abi nyanyan fu nyan nanga krosi fu weri, dan dati mus de nofo gi wi. 9Ma den sma di e angri fu kon gudu e kon ini tesi. Den e fromu densrefi ini wan lo lawlaw sani, nanga sani di no bun gi den srefsrefi. Den sani disi e meki sma go na ondro èn den e broko den neki. 10Bika gridi fu moni na a rutu fu ala ogri. Na fu di son sma ben angri fu abi furu moni, meki den gwe libi a bribi, èn now den abi bigi sari.

1 Timoteus 6:1-10STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.20.14
Volg ons