Toegang geweigerd

Bijbeltekst(en)

Edom no wani fu Israel waka psa ini a kondre fu den

14Dan Moses seni boskopuman fu Kades go na a kownu fu Edom nanga a boskopu taki: “Disi na san yu brada Israel seni taigi yu: ‘Yu sabi ala den problema di miti wi. 15Yu sabi fa den afo fu wi ben hari go na Egipte, fa wi ben tan libi na ini Egipte gi wan langa ten èn fa den sma fu Egipte libi takru nanga den afo fu wi. 16Ne wi begi MASRA èn A arki wi. A seni wan engel fu tyari wi kmoto na ini Egipte. Luku, now wi de na Kades, wan foto na a lantyi fu a kondre fu yu. 17Wi e begi yu primisi fu hari psa ini a kondre fu yu. Wi no sa hari psa ini den gron nanga den droifidyari fu yu èn wi no sa dringi watra fu den peti fu yu. Wi san tan waka tapu a bigi pasi di den e kari a kownu pasi. Wi no sa beni go na kruktusei noso let'sei te leki wi psa a kondre fu yu.’ ” 18Ma Edom piki taki: “Un no sa hari psa ini a kondre fu mi, noso mi o hari kon feti nanga unu.” 19Ne den Israelitisma taigi en taki: “Wi o tan tapu a bigi pasi èn efu wi nanga den meti fu wi dringi watra fu yu, dan wi sa pai yu fu en. Wi no wani noti moro dan fu hari psa nanga futu.” 20Ma Edom piki taki: “Un no sa hari psa.” Dan Edom hari kon miti den nanga wan bigi èn tranga legre. 21Fu di Edom no ben wani fu Israel psa ini en kondre, Israel beni dan den psa na den sei.

Nomru 20:14-21STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.20.15
Volg ons