Surinaams Bijbelgenootschap

Major donor

Bijbeltekst(en)

Suma na a Mesias?

41Dan Yesus aksi den sma taki: “Fa den sma kan taki tak' a Mesias na wan bakapikin fu kownu David? 42Bika David srefi skrifi ini wan fu den Psalm taki: ‘Masra Gado taigi mi Masra taki: Kon sidon na Mi let'anu sei, 43te leki Mi meki den feyanti fu Yu tron Yu futubangi.’ 44We, efu David kari a Mesias en Masra, dan fa A kan de en bakapikin dan?”

Yesus warskow den sma di e teki leri fu En

45A ten di a heri folku ben e arki san A e taki, Yesus taigi den sma di e teki leri fu En taki: 46“Un mus luku bun nanga den sabiman fu Gado wèt. Den lobi fu weri langa krosi e koiri, èn den lobi te sma e gi den lespeki odi na wowoyo. Den lobi fu sidon na den moro bun presi ini den kerki, èn den wani sidon na den moro prenspari presi te den go nyan na sma oso. 47Den e puru den oso na a anu fu den uma di masra dede kba, dan den e begi langabere begi fu sma denki taki den bun. Dat' meki a strafu fu den o moro hebi.”

A tori fu a pôti uma

1Di Yesus opo En ede luku, A si den guduman e poti moni ini a kisi pe yu e poti moni gi a tempel. 2A si tu wan pôti uma di en masra dede kba, poti tu kopromoni ini a kisi. 3Dan Yesus taki: “Fu tru Mi e taigi un taki: A pôti uma disi poti moro furu moni ini a kisi moro ala den tra sma. 4Bika ala den tra sma poti pikinso fu a furu moni san den abi, ma a uma disi poti ala fu a pikinso san a ben abi fu sorgu gi ensrefi.”

Lukas 20:41-21:4STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.20.14
Volg ons