1Gi a tiriman fu a singigrupu fu a tempel. Fu David.
MASRA na mi kibripresi.
Dan fa un kan prefuru fu taigi mi taki:
“Lowe, frei leki wan fowru go na den bergi.”
2Bika un yere,
ogri-ati sma e hari den bo span,
den e poti wan peiri na en tapu
dan den e go kibri na dungru presi
fu sutu sma di e du Gado wani.
3San sma di bun ini Gado ai kan du
te no wan sma no e hori den moro na a wèt?
4Ma MASRA de ini En santa tempel,
a kownusturu fu MASRA de na heimel,
A e luku ala sani fin'fini,
ala sma na grontapu A e ondrosuku.
5MASRA e ondrosuku den sma di bun ini En ai
nanga den ogri-ati sma.
A no mus abi not'noti fu sma di e du sani nanga tranga.
6A e meki faya kroiti nanga krofaya di e bron ete
fadon leki alen tapu den ogri-ati sma,
èn A e meki bun faya winti bron den tu.
7MASRA e du sani nanga leti,
èn A lobi te sani e du tapu wan leti fasi tu.
Den di e libi leki fa a fiti o si a fesi fu En.