Surinaams Bijbelgenootschap

Emoties

Bijbeltekst(en)

41Di Yesus doro moro krosbei tak' A ben kan si a foto Yerusalem, A bigin krei gi en. 42A taki: “Tye, un sma fu Yerusalem. Mi winsi taki tide ete un ben kan ferstan san e tyari freide kon mindri unu nanga Gado! Ma now a kibri gi unu. 43Wan ten o kon pe den feyanti fu unu o lontu unu. Den o tapu unu fu ala sei, meki no wan sma no man go ini a foto noso kmopo na ini. 44Den o figi unu nanga den pikin fu unu puru na grontapu. No wan ston o tan na tapu wan trawan, bika un no ben sabi a ten di Gado ben wani yepi unu.”

Gado oso mus de wan presi fu begi

45Di Yesus doro na Yerusalem, A go na ini a tempel dan A bigin yagi ala den sma gwe di ben e seri sani drape. 46A taigi den taki: “A skrifi taki: ‘Mi oso mus de wan presi fu begi.’ Ma unu meki a tron wan nesi fu fufuruman.” 47Ala dei Yesus ben e gi leri na ini a tempel. Den prenspari priester, den sabiman fu Gado wèt nanga den fesiman fu a folku, ben e suku wan fasi fu kiri En. 48Ma den no ben man feni no wan fasi, bika nanga opo mofo a heri folku ben e arki san A ben e leri.

Lukas 19:41-48STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.20.14
Volg ons