Surinaams Bijbelgenootschap

Geen antwoord

Bijbeltekst(en)

Den aksi Yesus pe A feni a makti

1Yesus ben e gi sma leri na ini a tempel, èn A ben e ferteri den a bun nyunsu. Wan fu den dei dati den prenspari priester, den sabiman fu Gado wèt nanga den fesiman fu a folku, kon na En. 2Den aksi En taki: “Taigi unu, pe Yu feni a leti fu du den sani san Yu e du? Suma gi Yu a makti fu du den sani disi?” 3A piki den taki: “Mi wani aksi un wan sani tu. Un taigi Mi: 4Suma ben gi Yohanes a makti fu dopu sma? Gado noso libisma?” 5Dan den man taki a tori nanga makandra. Den taki: “Efu un taki: ‘Na Gado,’ dan A o aksi unu: ‘Fu sanede un no ben bribi en dan?’ 6Ma efu un taki: ‘Na libisma,’ dan a heri folku o ston un kiri. Bika den e bribi taki Yohanes ben de wan profeiti.” 7So den piki taki: “Wi no sabi suma gi en a makti.” 8Ne Yesus taigi den taki: “We, dan Mi srefi no o taigi unu pe Mi feni a leti fu du den sani san Mi e du.”

Lukas 20:1-8STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.18.6
Volg ons