Jeruzalem omsingeld

Bijbeltekst(en)

Kownu Sedekia fu Yuda

18Sedekia ben abi tutenti-na-wan yari di a tron kownu. A tan erfu yari na makti ini Yerusalem. En m'ma ben nen Hamutal, èn a ben de wan umapikin fu Yirmeya fu Libna. 19Sedekia ben e du san no bun ini MASRA ai, neleki fa Yoyakim ben du. 20Te fu kba MASRA ben kisi sowan atibron tapu den sma fu Yerusalem nanga Yuda taki a drai En baka gi den.

Ma Sedekia ben kaka futu gi a kownu fu Babel.

1Di Sedekia ben de neigi yari, tin mun nanga tin dei na makti, kownu Nebukadnesar fu Babel hari go nanga a heri legre fu en na Yerusalem. Den lontu a foto èn den meki trapu fu ben kan kren na a skotu kon ini a foto. 2Na so den lontu a foto te leki di kownu Sedekia ben de erfu yari na makti. 3Tapu a di fu neigi dei, fu a di fu fo mun, di a angriten ben kon so hebi ini a foto èn den sma fu a kondre no ben abi not'noti moro fu nyan, 4den srudati fu Babel naki wan pisi fu a skotu fu a foto broko. Ma aladi den Kaldeasrudati ben lontu a foto, den srudati fu Sedekia ben man lowe a neti dati. Den waka na a dyari fu a kownu-oso, den psa na a poort di ben de mindri den tu skotu fu a foto, dan den hari go na a sei fu a Yordandal. 5Ma a legre fu den Kaldeasrudati hari go baka kownu Sedekia èn den miti nanga en ini den bigi opo wei fu Yeriko. Den srudati fu en gwe libi en èn den lon panya. 6Den grabu Sedekia dan den tyari en gi a kownu fu Babel, di ben de ini a foto Ribla. Dan den leisi strafu gi Sedekia. 7Den kiri den manpikin fu Sedekia leti na en fesi dan a kownu meki den diki den ai fu Sedekia puru èn a meki den tai en nanga tu kopro keti. Dan den tyari en go na Babel.
2 Kownu 24:18-25:7STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.19.2
Volg ons