Surinaams Bijbelgenootschap

Eigen vonnis geveld

Bijbeltekst(en)

35Ma MASRA meki wan profeiti aksi wan trawan fu a grupu fu den profeiti taki: “Mi e begi yu, naki mi.” Ma a trawan no ben wani. 36Ne a fosiwan taigi en taki: “Fu di yu no wani du san MASRA komanderi, meki wan lew o kiri yu te wi o prati pasi.” Di den prati pasi, wan lew dyompo na en tapu dan a kiri en. 37Dan a fosi profeiti miti nanga wan tra man. A taigi a man taki: “Mi e begi yu, naki mi.” Ne a trawan naki en so tranga tak' a gi en mankeri. 38Dan a profeiti tai wan pisi krosi so wan fasi tapu en wan sei ai, taki sma no ben man si tak' na en. Ne a go tnapu wakti kownu sei a pasi. 39Di kownu e psa, a profeiti bari taigi en taki: “Mi ben de na feti, di wan sma tyari wan strafuman kon gi mi. A sma taigi mi taki: ‘Na wan prenspari sma, luku en bun. Efu a lowe, na yu o dede na a presi fu en, noso yu o pai sowan dritenti kilo solfru.’ 40Ma di mi ben e du wan sani, wantronso, a sma no ben drape moro.” Kownu piki a profeiti taki: “Nanga dati yu kiri yusrefi.” 41Dan a profeiti hari a pisi krosi es'esi puru di ben tapu en wan sei ai dan kownu si tak' a ben de wan fu den profeiti di a sabi. 42Dan a taigi kownu taki: “Na disi MASRA e taki: ‘Yu lusu a man di Mi ben taigi yu taki a mus dede. Fu dat'ede yu o lasi yu libi na a presi fu en, èn san ben o miti a folku fu en sa miti a folku fu yu.’ ” 43Kownu ben firi broko saka èn en ati ben e bron di a ben e drai go baka na en kownu-oso ini Samaria.

1 Kownu 20:35-43STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.18.10
Volg ons