Surinaams Bijbelgenootschap

Opgebrand

Bijbeltekst(en)

Elia e lowe

1Akab ferteri Isebel ala san Elia du èn tak' a kiri ala den profeiti fu Baal nanga deigri. 2Dan Isebel seni wan boskopuman fu go taigi Elia taki: “Efu tamara, den yuru disi, yu no dede a srefi fasi leki den profeiti, den gado kan gi mi wan hebi strafu.” 3Di Elia yere dati, a meki ensrefi klari dan a lowe, bika a ben frede fu lasi en libi. Di a doro na Berseba, ini Yuda, a libi a knekti fu en drape. 4Dan en wawan hari wan heri dei go moro fara na ini a dreisabana, dan a go sidon ondro wan bon. Drape a ben e angri fu dede. Ne a taki: “A sari! Teki mi libi now MASRA, bika mi no betre moro den afo fu mi.” 5Baka dati a kanti didon dan a fadon na sribi ondro a bon. Ma wan engel fasi en fu a wiki dan a taigi en taki: “Opo, dan yu e nyan pikinso.” 6Di a opo luku, a si wan kuku di baka tapu bun faya ston, nanga wan kroiki watra na en edesei. A nyan, a dringi, dan a kanti didon baka. 7Ma a engel fu MASRA fasi en fu a di fu tu leisi fu a wiki dan a taigi en taki: “Opo, nyan pikinso moro, bika yu mus go fara ete.” 8Ne Elia opo, dan a nyan èn a dringi. A nyanyan gi en so wan krakti tak' a waka fotenti dei nanga fotenti neti go te na Horeb, a bergi fu Gado. 9Di a doro drape na wan bergi-olo, a psa a neti drape.

Dan MASRA taki nanga Elia. A aksi en taki: “San yu e du dyaso, Elia?”

1 Kownu 19:1-9STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.16.16
Volg ons